İf statement - Dərs 13

Siz İf ifadəsini müəyyən şərtləri olan kodları işə salmaq üçün istifadə edə bilərsiniz.İf ifadəsi Pythonda belə görünür:

if expression:     
   statements

Kod bloklarını məhdudlaşdırmaq üçün Pythonda abzaslardan istifadə olunur.Başqa dillərdə isə,məsələn C dilində dalğalı mötərizələrdən istifadə olunur,lakin Pythonda isə abzas məcburidir.Əgər abzas olmasa proqramlar işləməz.Yuxarıda gördüyünüz kimi statements abzasla yazılmışdır.Aşağıda if ifadəsinə növbəti nümunə verilmişdir:

if 10>5:
  print("10 5-dən böyükdür.")
print("Proqram bitdi.")

Yuxarıdakı proqramda İf ifadəsi 10-nun 5-dən böyük olub olmadığını müəyyənləşdirir və böyük olduğu zaman,abzasda yazılmış "10 5-dən böyükdür" cümləsini işə salır.Daha sonra isə proqram bitdikdə son cümləni işə salaraq "Proqram bitdi." cümləsini ekrana çıxarır.

Ekranda görünən nəticə budur:

>>>
10 5-dən böyükdür.
Proqram bitdi.
>>>

if ifadəsinin açıqlamasının sonunda qoyulan iki nöqtəyə diqqət yetirin.Proqramda bir neçə kod sətri olduğundan,onu ayrı ayrı fayllar şəklində yazıb sonra işə salmalısınız.

Daha mürəkkəb yoxlamaları həyata keçirmək üçün İf ifadələrini bir-birinin içində yazmaq mümkündür.Bu o deməkdir ki,daxildəki if ifadəsi xaricdəki if ifadəsinin bir hissəsi olur.Bu bir kodda bir neçə şərti təmin etməyin bir yoludur.Məsələn:

rqm=12
if rqm>5:
   print("Beşdən böyükdür.")
   if rqm<=47:
       print("5 ilə 47-nin arasındadır.")

Nəticə belə olacaqdır:

>>>
Beşdən böyükdür.
5 ilə 47-nin arasındadır.
>>>

Python ilk olaraq şərtə hansı cavab uyğundursa,onu ekrana çıxardır.Cavab şərtə uyğun olmadıqda proqram uyğun cavabı tapana qədər dövr edir.